اسكريبت صوره بقلم الكاتبه شيماء الصيرفي

محتاجة فعلا الراحة دي.
خلال الأسبوع دا كلمتني نور مرتين تتطمن عليا قلتلها إني بخير بس قاعده عشان قرارات ماما كانت بتضحك زيي وتقولي المهم إني أبقى بخير.
انتهى الأسبوع ورجعت لحياتي تاني لكن قللت أيامي في الأكاديمية لاني كنت هلكانه بجد دا بالإضافة لمشروع التخرج اللي كنت بتمرمط بسببه.
المحاضرة الأخيرة اتلغت وروحت الأكاديمية اليوم دا بدري شوية وشبه كنت أول بنت في الحلقة.
وبعد فترة جت مجموعة بنات وكانت المعلمة لسه موصلتش.
_ هبة ممكن نسألك سؤال.
ابتسمت ورديت..
_ أه اتفضلي.
_ اللهم بارك إحنا ملاحظين إنك بتحفظي كم بسرعة وإتقان بتعملي كده ازاي والأهم من كل دا قرأتك صحيحة المعلمة مبتصححش ليكي.
نهت كلامها أخدت نفس وقلت..
_ أنا من الناس اللي الحفظ بنسبالها صعب وبفضل العمليات اللي بتعتمد على الفهم وبنسبالي حفظ القران كان صعب وتقيل على قلبي لغاية مقررت إني أفهم عشان أعرف أحفظ بسمع تفسير الأيات وبفهمها والحفظ بيبقى سهل.
_ بتقرأي التفسير لمين أسمع إن في كتب لعلماء صحيحه وفي ناس بتفسر على هواها.
_ بصراحة معرفش كتب أنا بسمع لشيخ الشعراوي في بلاي ليست على اليوتيوب فيها كل تفاسير السور غالبا فوق الألف فيديو فيها شرح القرآن كلة بطريقة مبسطه بسمع الايات اللي هحفظها وبكتب اللي فهمته منها في ورقة ولو الورد بتاعي عبارة عن قصة برتب أحداث القصة في دماغي فبتبقى عملية الحفظ والتذكر أسهل ولو في أحكام أو الايات مش مرتبطة ببعضها بحاول ارتب الايات اللي شبه بعضها في دماغي وادور على أي العلاقة بينهم وبين ترتيبهم عشان منساش أي أية وأكون فاكره الآية دي بعدها إيه
دي طرقتي ممكن تبقى غريبة بس هي فعاله معايا وبالنسبة إني مبغلطش في النطف فأنا بستخدم أبلكيشن تحفيظ الحصري وبيسمحلي أحدد الأيات اللي عاوزة اسمعها وعدد تكرار كل إيه وتكرار الفقرة اللي حددتها مع تكرار السماع بتبقى عملية الحفظ بالتجويد أسهل.
_ ما شاء الله باين إنك بتتعبي وعشان كده بتحفظي كويس ربنا يجعلك من حملة القرآن.
ابتسمت بحب لكلماتها وقلت...
_ شكرا على دعواتك ربنا يجعلي ويجعلك نصيب منها يا رب.
نهيت كلامي اتكلمت بنت تانية وقالت..
_ أول مرة تتكلمي معانا كنت فكراكي مبتكلميش بني أدمين.
ضحكت على كلماتها وقلت..
_ لو كنت كلمتيني قبل كده كنت هرد عادي بس أنا انطوائيه شوية ومعرفش أعمل علاقات.
ومن هنا انطلق الحوار واتعرفت على البنات لكن كنت حذره زي ما نور قالتلي وعزمت جوايا اني مندمجش معاهم غير لما أعرفهم وأعرف مبادئهم تناسبني ولا لأ.
جت المعلمة وبدأت تسمع للبنات كنت كل مقرب أسمع تشاورلي بلا زهقت وتعبت اوي كنت عاوزة اسمع واخلص ورغم إني جيت أول واحده لكن سمعت آخر واحدة.
_ استأذنك ممكن تبعتيلي رقم اخو حضرتك اللي كان معاكي يوم متعبت.
بصتلي بتعجب وقالتلي 
_ مؤمن.
هزيت دماغي بأه فتكلمت نور وقالت..
_ عوزاه ليه
_ بابا عاوز يكلمه.
نهيت كلامي ردت وقالت..
_ هاتي رقم والدك وهخليه هو يكلمه.
ضحكت وقلت...
_ لا هاتي انت الرقم وبابا هيكلمههو اللي عاوزة.
ردت نور بحزم وقالت...
_ أسمعي الكلام وهاتي رقم والدك.
استسلمت ليها وعطيتها رقم بابا رجعت البيت وقلت لبابا انها أخدت رقمه.
اتغديت وصليت العشاء ودخلت نمت عشان يوم بكرة مهلك.
صحيت من النوم وبدأ يومي بذهابي لشراء الطلبات الخاصة بمشروع التخرج ومرمطي في مقارنه أسعار الأماكن وجوده المنتجات لغاية موصلت لهدفي واشتريت وروحت لتيم بتاعي عشان نشتغل عليه.
بدأنا نشتغل عليهم ونتولي المهام الجديدة من
الليدر كان اليوم مرهق أوي خصوصا لما تلاقي عندك غلطة وتهد كل الشغل وتعمل من الأول.
خلص اليوم اللي كان كله إرهاق ورجعت البيت صليت فروضي ونمت زي الطفل الصغير.
_ صاحية بدري غير عادتك
قالتها ماما أول مشافتني سيبت الكتاب من إيدي وقلت...
_ عندي مذاكره كتير.
_ الله يعينك يا رب هجهز لينا فطار هتفطري معانا
_ أه إن شاء الله. 
نهيت كلامي ودخلت ماما المطبخ وسابتني أكمل مذاكرة.
شوية وخرج بابا وكان بيستعد لذهابه ل الشغل قعد جمبي وقال..
_ رايحة الجامعة انهاردة.
هزيت دماغي بلأ وقلت...
_ انهاردة أجازة.
_ طب كويس جهزي نفسك عشان في ناس جايه تشوفك.
استنكرت الكلمات وقلبي اتقبض رديت پخوف بسيط وقلت..
_ مش فاهمة.
_ عريس يا هبة مالك
بلعت ريقي بتوتر وقلت..
_ بس بس حضرتك عارف إني مش عاوزة الخطوة دي دلوقتي.
_ كلها شهرين وتخلصي كلية يبقى هنستنى إيه غير كده دا عريس كويس ولو مكنش كده مكنتش هوافق ييجي بدون مأقولك.
نهى كلامه وسكت وأنا كمان بعدين بصيت في عيونه وقلت..
_ بابا أنا خاېفة من الإختيار.
قرب قعد على الكرسي اللي جمبي وقال..
_ مټخافيش أنا معاكي وهساعدك.
_ أنا داويت قلبي بالعافية ولو اتكسر هيتفتت ومش هيتصلح تاني. بابا أنا خاېفة أوي من الزواج والإختيار.
مسك إيدي بين كفوفه وقال..
_ مټخافيش يا هبة وقبل مأشوف رأيك هشوف الصح الأول حتى لو عكس هواكي ورأيك ماشي
هزيت دماغي وقلت...
_ ماشي.
فطرت معاهم ومقدرتش أكمل مذاكره من الدوشة اللي كانت في دماغي منكرش إن التجربة القديمة كانت قاسېة وعلمتني كتير أوي وغيرت فيا كتير وفي معايير اختياري وفتحت عيوني على حاجات كتيرة غافله عنها زي إني بختار أب لولادي قبل ميبقى زوج ليا يشاركني حياتي فلازم يبقى مثال وقدوة صالحة عشان ولاده يقتدوا بيه ويبقوا زيه يبقى دينه صالح والأهم يبقى دينة أقوى مني عشان هو اللي يشدني لاني اتعلمت من تجربتي السابقة ان الراجل هو اللي بيوجه لو هو الاقوى هيقويها ولو هو الأضعف هيضعفها وأهم شيء إني اتأكد إن عقدته سليمه بيتبع القرآن والسنة مش بيتبع أي من الطوائف اللي انتشرت العصر دا اللي بياخدوا بعض من الدين ويتركوا البعض بياخدوا ما يتناسب مع أهوائهم.
كنت متوتره أوي وخاېفة فقررت أقلل خۏفي وتوتري بسماعي لبعض الفيديوهات الخاصة بالرؤية الشرعية سمعت لمشايخ متفرقين وأخدت كل النصايح وقررت اتبعها.
رغم إن مر سنتين بعد خطوبتي السابقة لكن السنتين دولي فرقوا معايا كتير في استعدادي لجلسة اليوم وفكري. تغييري ونضجي دا كله كان سببه قربي وتفقهي في الدين ولو مكنتش عملت كده كنت هفضل شخصية سطحية بتختار بطريقة عشوائية بدون مباديء أو معايير محدده.
اقترب الموعد وبدأت أجهز أخترت فستان بسيط ألوانه هادية وخمار يتناسب مع الفستان اخترت جزمه بسيطه ارضيه بصيت لنفسي في المراية وكنت راضيه عن حالي لبسي واسع مش كاشف لأي جزء من جسمي حجابي طويل اتنهدت وأخدت نفس طويل.
شوية ودخلت ماما قالتلي العريس جه وأجهز للخروج في اللحظة دي حسيت رجلي صابها شلل ومش قادرة أحركها لدرجة إن ماما فضلت تدلكلي رجلي.
خرجت وجلست جمب والدتي كنت خجلانه ومش قادرة أرفع عيوني كان جاي لوحده ودي حاجة بسططني إني مكنش تحت أنظار ناس كتيرة شوية وبابا وماما تركونا.
كان محترم خجلي وكوني مش قادرة ارفع عيوني ومع الكلام والنقاش تدريجي رفعت وشي ليه وكانت الصدمة من نصيبي لما لاقيته أخو المعلمة نور سكت رغم اني كنت بتكلم وهو لاحظ دا وهنا سألني عن صحتي تقريبا في اللحظة دي خجلي تضاعف ووصلت لدرجة اني مش قادرة
ارد قادأخرج الكلمات.
احترم خجلي وكان بيتكلم وأنا أستمع.
ويتبع..