اسكريبت صوره بقلم الكاتبه شيماء الصيرفي

_ انت ليه مكبره الموضوع! أنا خطيبك وشوية هبقى جوزك.
نهى كلامه فتكلمت بتوتر وقلت..
_ بس بابا لو عرف هيموتني.
اتكلم بنبره أهدى شوية وقال...
_ ومين هيعرف بابا أصلا! انت هتتصوري الصورتين وهتبعتيهم ومحدش هيعرف.
أخدت نفس بصوت عالي وضربات قلبي سريعة.
_ أنا مش هعمل كده.
اتكلم بنبره حزن ممزوجه بضيق وقال..
_ يبقى إحساسي صح وانت فعلا مبتحبنيش.
نهى كلامه وقفل الخط اتنفست بضيق وجربت اتصل بيه تاني اداني مغلق رميت الموبيل من إيدي وأنا حاسه پخنقه قادرة أنها تفتك بيا.
فردت جسمي على السرير وأنا بفكر في كلامه جوايا إحساس بيقولي لا متعمليش كده وإحساس تاني بيقولي دا خطيبك عادي وبكرة يبقى زوجك.

يعني كده كده هيجي اليوم اللي هيشوفني كده هيجرى إيه لو بعتله صورتي زي مهو عاوز مهو كده كده هيبقى زوجي أكيد بيحبني وعاوز يشوفني في أحلى شكل ليا زي أي حبيب.
حاولت ادور على أسباب اقنع بيها نفسي وإن طلبه دا عادي.
_ هبة.
قالتها سمر أختي فوقت على صوتها وقلت..
_ بتنادي.
_ انت مش هنا خالص باقيلي ساعة بنادي.
_ معلشي مختش بالي.
قلتها بتوهان وأنا بتعدل من على السرير.
_ مالك انت زعلانة ولا إيه
ابتسمت بتوتر وقلت...
_ لا مفيش بس ضغط الكلية مش أكتر سنة تانية دي طلعت صعبة بشكل.
_ بكرة تتخرجي وتقولي ولا يوم من أيام الكلية.
ضحكت وأنا بقول..
_ صدقيني مش هقول.
ردت سمر وقالت...
_ اجمدي كده أمال هتعملي إيه في الكلية لما تتزوجي!
رديت بسرعة وقلت..
_ لا مش هتزوج غير لما أخلص.
نهيت كلامي ردت عليا بتعجب وقالت..
_ مش بابا متفق مع حازم على سنتين والمفروض الفرح بعد امتحاناتك!
نهت كلامها بضيق خفيف فتكلمت وقلت...
_ أه بس حازم مضغوط شوية وقالي محتاج فترة أكبر وأنا قلتله يستني لما اتخرج أفضل عشان الكلية وكده.
نهيت كلامي ردت سمر بعقلانية وقالت...
_ بابا يعرف الحوار دا
رديت بتوتر من كلماتها فقلت..
_ هو لسه هيكلم بابا.
_ أظن إنك اتخطبتي وعارفه إنك هتتزوجي في الكلية لو شايفه الموضوع هيبقى صعب عليكي مكنتيش وافقتي من البداية ثانيا التأجيل بيبقى شهرين تلاتة بالكتير مش سنتين انتو كده هتبقوا مخطوبين تلت سنوات ونصف.
_ فيها إيه يا سمر لعلمك في ناس كتيرة بتتخطب أكتر من كده.
نهيت كلامي بضيق ردت وقالت..
_ ملناش دعوة بالناس إحنا لينا بالصح فترة الخطوبة كل مبتزيد عن اللازم كل مبيحصل تجاوزات بين المخطوبين.
سكت ثواني وبعدين كملت كلامها وقالت...
_ عاوزة تفهميني انكم هتفضلوا طول الوقت دا متمسكين بضوابط الخطوبة ومش هيقولك كلمه واحده حتى أكيد لأ هيحصل تجاوزات شوية كلام حلو والله اعلم بعد كده هيحصل إيه مينفعش أحط الڼار جمب البنزين وأقول فيها إيه.
نهت كلامها فرديت عليها بضيق وقلت...
_ بتتكلمي كده ليه وبعدين مين قالك إننا هنعمل كده
ردت بهدوء وقالت...
_ بكلمك كده عشان خاېفة عليكي وبالنسبة لسؤالك هرد أقولك إن فترة الخطوبة لما بتطول الطرفين بيحسوا بالملل من تكرار الكلام وتدريجي الكلام هيبدأ ياخد مجرى تاني من هنا مش هتقدروا تسيطروا على نفسكم.
قطعت كلامها وأنا برد بضيق وقلت...
_ لا هنسيطر على نفسنا مين قالك كده
نهيت جملتي بصت في عيوني وقالت...
_ بجد طب طول الفترة اللي فاتت محصلش بينكم اي تجاوز ولو بكلمة بسيطة.
بلعت ريقي بتوتر ومقدرتش أكذب وأقولها لأ فسكت قربت مني وطبطبت على كتفي وهي بتقول..
_ هبة حبيبتي أنا أختك الكبيرة وعارفة أكتر منك الشباب اللي شبه حازم خطيبك مش هيقدروا يتحكموا في نفسهم.
_ قصدك ان حازم وحش!
أخدت نفس واتكلمت..
_ بعيد عن وحش وحلو انت
عارفة كويس إننا كلنا معارضين لأنه مش شبهنا بس وافقنا عشان سيادتك عاوزاه.
خلاصة الكلام حازم أو كل اللي شبهه أو أي راجل عموما عمره مهيقدر يحافظ عليكي من نفسه أربع سنوات كاملين هيجي يوم ويضعف.
نهت كلامها وقامت من قدامي اتجهت للباب وبصتلي قبل متخرج وقالت...
_ فكري بجدية في علاقتك انت وحازم وشوفي إن كان دا الشخص المناسب اللي يبقى أب ولادك ولا لأ.
نهت كلامها وخرجت برة الأوضة رميت نفسي تاني على السرير بصيت ل السقف وأنا بفكر بجدية أكتر بحازم.
عارفة إن كلامها كله صح رغم كده كنت بجادل معاها في الغلط عارفة إننا مش هنسيطر على نفسنا وهنضعف بس أنا بحبه وعاوزاه مش قادرة اتخيل حياتي بدونه ولأجل كده صابره وبتحمل.
اتعدلت وسألت نفسي هو ممكن الكلام يسحبنا أكتر من كده وبدل محازم يطلب مني صور بلبس بيتي وشعري ممكن يطلب أكتر من كده.
حسيت بتوتر وخوف ونفضت الفكرة دي من دماغي وأنا بحاول أقنع نفسي انه مش هيحصل أكتر من كده وإن حازم راجل وهيحافظ عليا.
_ هبة انت قلعتي الخمار.
قالتها يمنى صديقتي أول مشافتني.
_ طب قولي أذيك الأول دا انت باقيلك سنة مشوفتنيش! 
نهيت جملتي ردت وقالت..
_ استغربت لما لاقيتك قلعتي الخمار ونسيت اقولك اذيك.
_ بذمتك مش كده شكلي بقا أحسن وبقيت أنثى أكتر.
نهيت كلامي بصيتلي پصدمة وقالت..
_ بقيتي أنثى أكتر.
_ أه الخمار كان مكبرني أوي ومش مظهر جمالي.
نهيت كلامي ردت يمني وقالت...
_ طبيعي الخمار مش هيظهر جمالك لأن ربنا سبحانه وتعالى أمر النساء بستر نفسها وتخفي مفاتنها لأنها غالية وعشان مفيش راجل بينظر لها پشهوة.
_ أهو دا بقا كلام الناس الرجعيين.
قلت كلماتي وأنا بضحك ردت يمني وقالت...
_ لو مكنش الرجال بينظروا لنساء مكنش ربنا سبحانه وتعالي أمر الرجال بغض البصر ولو مكنش النساء بتحب تظهر نفسها مفاتنها مكنش ربنا أمرها بالستر والخمار.
نهت كلامها وبصيتلي حسيت بالحرج نظرا إني معنديش دافع أرد بيه فسكت بخزي اتكلمت هي وقالت...
_ بصي جمبك كده شايفه الشباب بيبصوا ازاي على البنات اللي ماشيين دولي.
بصيت جمبي لاقيت بنتين ماشيين لابسين بناطيل ضيقة عليهم وتفاصيل رجليهم ظاهرة لابسين بلوزات قصيرة وضيقة ومظهرين شعرهم عيني كانت بتتنقل بينهم وبين نظرات الشباب
لوهله حسيت پخنقه وتخيلت نفسي مكان البنات دي والشباب بيبصولي كده لوهله حسيت إني زي الطفل اللي لسه خارج من بطن أمه حضنت نفسي پخوف من نظرات الشباب اللي بتحيطني واستاذنت من يمنى ومشيت.
ركبت الباص وأنا بفكر في كلام يمنى وفي حالي معرفش ازاي قدرت اكشف نفسي بعد مكنت ستراها! ازاي قدرت اسمع كلام حازم واقتنع بيه وأخلع الخمار! ازاي نسيت ديني وأموامر ربي مقابل رضا حازم! ازاي تجاهلت كلام أهلي ونصحهم عشان حازم!
سندت دماغي على الشباك وغمض عيوني وأنا بيتعرض قدامي حوار بيني وبين حازم.
_ شكلك حلو أوي بالطرحة.
قالها حازم بإعجاب رديت عليه بخجل وقلت...
_ بجد!
_ شكلك أنثى مش زي الشوال اللي كان بيلفك دا.
رديت بتعجب وقلت...
_ الخمار!
_ أه خليكي كده على طول هتبقي حلوة عاوز امشي معاكي واقول لكل ناس تعالوا شوفي البنت الحلوة اللي اخترت تكون مراتي والكل يشوف جمالك ويحسدني عليه.
فتحت عيوني بضيق تكرار الكلام في دماغي كان خانقني عكس حالتي وقت مسمعته أخدت نفس عميق لعل الخنقة اللي أنا فيها دي تخلص وأعرف أتنفس.
نزلت من الباص وأنا بسأل نفسي هو ازاي حازم مبيغرش عليا وعاوز الناس تشوفني حلوة هو مش المفروض يداريني عن عيونهم
ويغير عليا