روايه كاملة مكتملة لجميع فصول الرواية بقلم آيه طارق

أماني للنوم هي الأخرى إلا أن رنين هاتفها منعها من ذلك فالتقطته بحيرة.
انعقدا حاجبيه و هي ترى أسم آدم ينير شاشته ففتحت الخط قائلة بدهشة
آدم!
و على الطرف الأخر
أخذ نفسا قويا ليدخل الهواء النقي إلى رئتيه و برودة الليل تلفح صدره العالي بينما يستند على سياج البلكونة مستمتعا بهدوء المنطقة و سماعة هاتفه على أذنيه ينتظر صوتها ليزيد رومانسية الجو.
قلب آدم.
همس بحالمية فور أن أتاه صوتها.
لتصله نبرتها الحائرة هير فيه حاجة
بتتصل ليه دلوقتي.
اعتدل في وقفته عابسا بملامحه قائلا بتذمر طفولي بقى حد يقول لخطيبه اللي لسه ملبسه الدبلة من كام ساعة أنت بتتصل ليه!
لتعض أماني شفتيها بحرج و تقول بتبرير مش قصدي و الله بس أصل الوقت متأخر ده غير إننا لسه سايبين بعض من كم ساعة.
ليصلها تحلطمه واضحا و تسمعه يقول بنزق و هو مش المفروض إن المخطوبين مبيشبعوش من بعض و شركة الاتصالات بتكسب بالآلاف بسببهم و بيناموا و بيصحوا على صوت بعض و لا ده كلام أفلام!
تعالت ضحكاتها و هي تستمع إلى كلماته كرد الفعل الوحيد الذي تتخذه كلما تحدث إليها إلا أن هذا الرد يعجبه كثيرا و تتراقص عليه نبضاته.
و الله معرفش أنت أيه رأيك ده كلام أفلام و لا لاء
فيفاجئها آدم بطلبه قومي ادخلي البلكونة.
لتعقد حاجبيها بدهشة و تسأله بارتياب نعم أعمل أيه
فيكرر آدم بإصرار ادخلي البلكونة بسرعة دلوقتي يلا.
فارتدت أماني إسدالها على عجل و خرجت إلى البلكونة كما أمر و هي تقول ضاحكة
أوعى تكون بتعمل زي الأفلام بجد و هلاقيك واقف تحتها.
لتلمع حدقتي آدم بإعجاب للفكرة و يقول مؤيدا بس كده أنت تأمري من بكرة بالليل هتلاقيني تحت بلكونتك و لو عايزة أغنيلك كمان أنا معنديش مانع.
تملكت الحيرة من أماني و هي تستمع إلى كلماته التي تنفي وجوده فجالت بنظراتها الشارع الخالي إلا من تجمعات بعض الشباب و عندما تأكدت من عدم وجوده سألته بارتياب
أومال قولتلي اطلع البلكونة ليه
ليبتسم آدم و يقول خدي نفسك عميق.
لتسأله بدهشة نعم!
فيكرر آدم بإصرار يا بنتي اسمعي الكلام هو أنت غاوية تتعبيني معاك
نفذت أمره بعدم فهم ليدخل الهواء البارد إلى رئتيها ثم تقول أخدت.
ليغمض عينيه باستمتاع و يقول بشاعرية غمضي بقى عينك و استمتعي بالجو الجميل ده و فكري فيا.
لتتوسع حدقتيها پصدمة و تسأله بعدم تصديق أنت بتهزر يا آدم أنت مخرجني البلكونة دلوقتي علشان كده!
فيجيبها ببرود أيوه.
جزت على أسنانها عندما لم تجد كلمات مناسبة تصف ڠضبها تقولها له لتمر لحظات قبل أن تهتف
أنت بتهزر و الله يعني بدل ماتسيبني أنام و ارتاح بعد تعب اليوم كله مطلعني البلكونة علشان مش عارف أيه!
فيشعر بالحنق من عدم فهمها له و يقول بتذمر مش عارف أيه!
و الله أنت بنت فصيلة بقولك جو و فكري فيا و رومانسية و أنت كل اللي هامك النوم!
لتعبس بملامحها فاقدة صبرها و تقول بحنق أيوه أنا فصيلة و مش بتاعت رومانسية و ميهمنيش غير النوم..
تصبح على خير بقى.
و أغلقت الخط فورا دون أن تنتظر رده..
لتتجهم ملامحه و تتحرك أصابعه تلقائيا مرسلا لها رسالة
بقى بتقفلي السكة في وشي ماشي يا أبو الهول..
حسابك معايا تقل أوي على فكرة و حتى الرقابة مش هتقدر تمنعني بعد كده.
وصلتها رسالته التي لا تخلو من وقاحته فاستلقت على سريرها و الابتسامة تملأ وجهها و سعادة لم تشعر بها من قبل تحتل قلبها لتنام و تحلم به.. من بدل حياتها من الحزن للفرح و أعطاها أملا لتحيا كبقية الفتيات.
صباح اليوم التالي
سارت أماني و روضة إلى عملهما كعادتهما..
فتأملت روضة صديقتها بحلتها الجديدة فلقد تغيرت أماني تغيرت روحا و ليس مظهرا..
عيناها تلمع بسعادة أزالت جمودها و التجهم الذي كان يميز ملامحها تحول إلى ابتسامة حلوة و جليد فؤادها ذاب بعشق آدم فأصبحت لا تكف عن المرح و المزاح..
و مع ذلك كان هناك خوف يظهر على فترات في نظراتها يؤثر على هذا التغيير..
فطمأنت روضة نفسها بأن هذا الخۏف طبيعي و أنه سيزول مع الأيام!
و كصديقتها كانت شاردة إلا أنها كانت شاردة فيه ذلك الذي اقتحم حياتها دون سابق إنذار ليحدث تغيير جذري فيها خلال أيام قليلة.
لتعود و تقكر في حياتهما و ترى هل ستستمر سعادتهما أم لا
و عند هذا الخاطر تجهم وجهها پذعر لاحظته روضة لتسألها بارتياب
أيه يا أماني مالك
التفتت أماني إلى صديقتها بهدوء لا يوضح اختلاجاتها و خۏفها فمهما قالت لن يفهمها أحد و سيطمأنوها بكلمات تافهة لا تجدي فهم لا يعيشون نفس حياتها و لا يفهمون ما تعانيه!
مفيش حاجة يا حبيبتي.
إلا أن روضة لم تقتنع بكلماتها فملامحها قد انقلبت فجأة!
مفيش أيه بس ده أنت فجأة بوزتي عبست بملامحك بعد ما كانت الضحكة مالية وشك.
لترتسم شبه ابتسامة على شفتي أماني و هي تقول متهيألك تظنين ذلك بس مفيش حاجة صدقيني.
ليقطع حوارهما ظهوره أمامهما!
على عكس الأيام السابقة