روايه كاملة مكتملة لجميع فصول الرواية بقلم آيه طارق

اللي بيحصلي صدقت ده و اقتنعت إني وش نحس فبقيت أنا اللي بخاف أقرب من أي حد.
لتسقط دموعها بغزارة و هي تتابع أنا خاېفة عليك أوي يا آدم طول الوقت و أنا حاطة أيدي على قلبي لأحسن يجيلي خبر وحش عنك.
ليظهر التأثر على ملامحه و يرفع كفه ليزيل دموعها بأطراف أصابعه و هو يقول بشبه ابتسامة
تصدقي أنا طلعت وحش أوي بقى ينفع يعني أعيطك في بوم زي ده أنت لازم تطالبيني بتعويض على فكرة.
فتسارع بالقول دون تفكير خليك كويس و النبي يا آدم حافظ على نفسك و متخليش أي حاجة وحشة تحصلك أنا مش هقدر أشيل ذنب جديد فوق كتافي.
تجهمت ملامحه و هو يسمع آخر كلماتها..
هل كل ما يهمها ألا تحمل ذنبا جديدا
أليس مصدر خۏفها عليه حبها له
لتنفرج ملامحه فجأة و هو يسمعها تهمسو لا قلبي هيستحمل أنا مش هقدر استحمل الۏجع ده ھموت و الله.
ليضحك و هو يسألها بعدم تصديق أنت قولتي إن قلبك مش هيستحمل
يعني أنت بتحبيني صح
قوليها بقى و ريحيني بلاش تحسسيني إن كل اللي بيننا ذنب خاېفة ترتكبيه في حقي.
أطرقت برأسها دون رد و وجهها متورد من الخجل.
ليزم آدم شفتيه و يقول محاولا اقتناص اعترافها طيب بلاش بتحبيني بدأت تحسي بأي حاجة ليا حتى لو كانت صغيرة.
ليستمر صمت أماني مع احمرار وجهها فيقول آدم كأخر محاولة طب بلاش تتكلمي هزي راسك شاوري أعملي أي حركة أبوس أيدك.
لتثير كلماته ضحكاتها فتهز رأسها بالإيجاب و الابتسامة تملأ وجهها.
فيصيح آدم بسعادة أيوه بقى و أخيرا يا أبو الهول.
فتتعالى ضحكاتها أكثر مع صيحته فيلتفت الجميع إليهم.
ليسأله والده بابتسامة خير يا كابتن
فيلتفت آدم إلى والده صائحا بسعادة باركلي يا حج دخلت أهم جول في حياتي.
فتزداد ضحكات أماني عليه.
لينظر آدم إليها و يهمس لها هو أنا قولتلك قبل كده إن شكلك بيبقى حلو أوي و أنت بتضحكي.
و غنتهالي كمان قالتها بمرح.
ليقول آدم بمشاكسة أهااا قولي بقى أنت عايزاني أغنيلك تاني و لا أيه
لا يا ماما أنسي أنا مبغنيش كده ببلاش صوتي ده غالي.
فتتسع ايتسامتها مزيدة من سعادته و تسأله غالي بكام يعني
فيلتفت آدم حوله مثيرا ارتيابها ثم يقول بحذر مش هينفع أقول دلوقتي علشان الرقابة بس وعد أول لما نتجوز هغنيلك بعد ما تدفعيلي.
لم تكن لتفهم معنى كلماته لو لم يذكر كلمة الرقابة و التي ذكرها من قبل بوقاحة فاشټعل جسدها بخجل ظهر على وجهها و جعله يقهقه باستمتاع.
ده الحلو بيتكسف و بيحمر زي الطماطم و بيبقى زي القمر اهوه.
زجرته بعينيها مع أن قلبها كان يرقص فرحا بغزله ثم تحركت من أمامه متجهة إلى صديقتها و التي تقف مع والدة آدم بينما آدم يتابعها بنظراته.. ضاحكا على خجلها.
اعترفي قولتيله أيه خلاه ېموت على نفسه من الضحك كده
سألت روضة صديقتها بفضول مرح.
لتزم أماني شفتيها و تقول بطريقة طفولية و لا حاجة و الله هو اللي قاعد يتكلم و بعدين يضحك عليا.
ليه قالك أيه
سألتها روضة ضاحكة.
و قبل أن ترد عليها أماني تعالى صوت آدم
ياللي شمس الدنيا تطلع لما تطلع ضحكة منك
حسي بالناس الغلابه اللي زيي بعد اذنك
بطلي تحلوي اكتر واوعي وشك يوم يكشر
واضحكي دايما يا سكر ياللي سابقة بجد سنك
اضحكي خليني اضحك.. ضحكتك بترد روحي
ربنا وحده اللي يعلم.. بعشقك ازاي يا روحي
التفتت روضة إلى صديقتها و قالت بانبهار الله ده صوته حلو أوي.
بينما شردت أماني فيه صوته.. حركاته لتميل رأسها مبتسمة و هي تسمعه يغني
مستحيل الشعر يوصف أي تفصيلة في جمالك
والغنا لو كان كفاية ألف غنوة أغنيهالك
ياللي لما بتبقي جنبي بنسى بيكي كل تعبي
ياللي احتليتي قلبي قلبي فرحان باحتلالك
لتتسارع نبضاتها ترافقا مع كلماته و قلبها يعلن أنه بالفعل سلمه مقاليده منذ أول مرة رآه..
اضحكي خليني اضحك ضحكتك بترد روحي
ربنا وحده اللي يعلم.. بعشقك إزاي يا روحي
ليقترب آدم منها و يقف أمامها متأملأ ابتسامتها الواسعة و لسانه يتحرك تلقائيا
ياللي شمس الدنيا تطلع لما تطلع ضحكة منك
حسي بالناس الغلابه اللي زيي بعد اذنك
بطلي تحلوي اكتر واوعي وشك يوم يكشر
واضحكي دايما يا سكر ياللي سابقة بجد سنك
فتستجيب له و تتعالى ضحكتها منيرة حيات فيصيح
بحبك يا أماني.
الفصل التاسع و الاخير
بدلت ملابسها لتجلس على السرير بجانب أبنة عمها بينما تسمع الصغيرة تقول
أنا حبيت عمه آدم أوي ده طيب خالص و فرفوش كمان.
لتبتسم أماني على أخر كلمة فبالفعل آدم يمتلك شخصية مرحة تجذب الناس حوله.
هو هيبقى جوزك و هنشوفه بعد كده على طول صح يا أبلة
انتبهت على سؤال أبنة عمها.
لتأومأ برأسها و تهمس أيوه يا حبيبتي إن شاء الله.
ثم تدفعها برفق لتستلقي على السرير بينما تجذب الغطاء نحوهما و هي تقول
و يلا ننام بقى لاحسن اليوم النهاردة كان متعب أوي.
لتغمض الصغيرة عينيها و تذهب في أقل من دقيقة في نوم عميق نابع من إرهاق اليوم و وقوفها على قدميها معظمه.
استعدت