اسكريبت كامل بقلم الكاتبه أيه حمام
لكدا.
_غيث هو أنت مش بتحب بنت عمك ليه بقا إتقدمت لي
علشان تغيظها صح
_أنت عبيطة! إيه الكلام دا!
_الكلام دا مش كلامي الكلام دا إتقال لي بدل المرة تلاتة.
_يعني أنا علشان أكيد بنت عمي أروح أختار واحدة تانية أجرحها معايا وأدخلها في لعبة هبلة كدا أنت مصدقة ال بتقوليه أنا آسف بس أنت عامية يا آية وقومي يلا خلينا نروح.
دخلت أوضتي غيرت هدومي وقعدت على الكنبة ومحسيتش بماما ال دخلت قعدت جنبي.
_مالك
_مين قال لك كدا
_أنا حاسة إني مش كويسة وقاسېة.
_إيه ال حصل بس
_أنا قولت ل غيث على كلام إنه بيحب سما من غير ما أفكر.
_ليه عملتي كدا مش قولت لك إن الكلام دا مش صح وإتبعت لك علشان غيرانين منك ومش عايزينكم سوا.
_ما أنا كمان قولت له كدا من غيرتي يا ماما حضرتك أكتر واحدة عارفة إني بحب غيث من وقت ما كنت عيلة وعارفة برضه إحساسي في كل مرة كان بيوصل لي فيها الكلام دا النهاردة بقا ڠصب عني لقيتني بقول له كدا.
_قال لي إني عامية.
_معاه حق والله.
_ليه بقا إن شاء الله
_علشان مش شايفة إنه بيحبك وبيتمنى لك الرضا ترضي ومستحمل كل جنانك وهرموناتك ومنى عينه إنك تبقي ملكه ومعاه.
_طب ما أنا كمان بحبه!
_بس ال بيحب بيكون عايزة راحة حبيبه مش بيمرمطه معاه يا آية.
ضحكت عليا وأخدتني في حضنها حضنتها جامد وأنا بفكر في الأستاذ غيث المقموص مني.
_خالتو هو غيث جوا
_أيوا يا حبيبتي.
إتحركت ناحية أوضته وخبطت عليه ولما قال إدخل فتحت الباب براحة ودخلت وقفت على الباب.
_ممكن أدخل
_أنت ډخلتي أصلا.
_أخرج
_جاية ليه
_بعت لك إمبارح ماسدجات ومرديتش عليا.
_متشكر.
_طب ممكن نخرج نتكلم برا شوية.
بص لي شوية بعدين خرج وخرجت معاه قعدنا في البالكونة وأخدت نفس قبل ما أتكلم.
_أنت زعلان مني
_أنت أدرى.
_طب متزعلش أنا آسفة.
_آية هو أنت إزاي أصلا تصدقي عني حاجة زي كدا دا ال مزعلني وواجعني إزاي مش شايفة حبي ليك من زمان هو أنا عيل علشان أعمل كدا
_أنا مش بهزر.
_ولا أنا كمان بس حط نفسك مكاني.
_لاء مش هحط نفسي مكانك علشان المفروض يكون فيه حاجة اسمها ثقة في أخلاق ابن خالتك ال مش شايف غيرك وال تعب كتير علشان يقدر يطلبك وصبر أكتر وكان بيمنع نفسه
عنك لحد
