اسكريبت روعه بقلم الكاتبه سلمي بسيوني

أكتر.
ولما شفتك هنا حسيت إن دي إشارة من ربنا يا هنا.
أتوترت قلقت أنا عايزة أطلع أجري.
_إشارة لإيه
_هو أنت عبيطة ولا بتستعبطي أنا واضح جدا على فكرة أنا أخدت إشارتي من ربنا هستنى أشارتي منك يا هنا.
خلص الآيس كوفي مع نهاية كلامه وقام عشان ينزل
_ابقي نزلي المج معاك وأنت نازلة عشان طنط سميرة لو طلعت الصبح لقته هنا هتهزق.
خلص كلامه بيها كأنه كان بيتناقش معايا عن أسعار القهوة مثلا هو مچنون 
ساب السويت شيرت بتاعه على الكرسي
_خليه هنا الجو شوية كدا وهيبرد ابقي البسيه ومتكابريش.
مش هلبسه على فكرة هه 
بعد شوية الجو سقع فعلا بصيت عليه بطرف عيني.
طلع بيدفي أوي على فكرة.
أنا مبسوطة مبسوطة انبساط مستغرباه مرتاحة أوي في الكلام معاه لما بشوفه قلبي بيضرب زي سارينة الأسعاف بس في حاجة جوايا بتقولي فرملي مش دلوقتي ومش فاهمة سبب دا بس ...بس أنا مبسوطة.
عدى يومين أتسح لنا في تجهيز الشقة فيهم وشړا الطلبات وطبعا مخليوش من تلميحاته واهتماماته ومجات آيس كوفي رايحة جاية وسهر على سطح البيت معاه هو والطارة والخيط والست أم كلثوم.
ضغطت نفسي فيهم وخلصت الطارة.
ليلة كتب الكتاب إديت الطارة لرنا إلي طارت بيها من الفرحة !! 
_أنت بتهزري !!! لحقتي إمتى دا أنت لسه مخلصة امتحانات!!
_كله يهون عشان الفرحة إلي شيفاها في عينك دي.
حضنتني بفرحة وحماس لبكرا ...بكرا كتب الكتاب.
_يا الله !! الفستان مقطوع يا هنا.
_طب أهدي بالله عليك أنت بسيطة.
_بسيطة أي كتب الكتاب النهاردة الميك آب آرتيست على وصول والجنينة تحت بتجهز.
_ممكن تاخدي نفسك وتهدي 
أنا هنزل حالا هوديه عند واحدة هتظبطهولك هتخلصي ميك آب هتلاقيني قدامك أهدي بس وكله هيبقى تمام.
حضنتها وهديتها لبست أي حاجة بسرعة ونزلت جري قولت لخالد ووصلني كنا بنسابق الوقت حرفيا ورنا طول الوقت معايا على التليفون.
خلصنا أخيرا وراجعين في العربية 
_مغيمة جامد شكلها هتمطر.
_معتقدش إحنا لسه في أواخر الصيف.
_لو مطرت تبقى أشارة كمان.
بصيتله بطرف عيني وسكت وأنا ببتسم.
وصلنا على ميعادنا بالظبط طلعت الفستان لرنا كانت فاضل حاجات بسيطة وتخلص ميك آب.
_شكلك تحفة.
عيوني دمعوا وأنا ماسكة إيديها وكانت هتدمع هي كمان بس البنت زعقتلنا بخفة
_والله ما ينفع تعيطوا في اليوم الحلو دا.
_يعني مش عشان الميك آب ميبوظش
_تؤ تؤ عشان اليوم.
ضحكنا إحنا التلاتة وبنات العيلة أتجمعوا في الأوضة ورقصنا كلنا مع رنا وعيوني مش مصدقة إلي شيفاه.
الكل راح يلبس وأنا ساعدتها لحد ما جهزت تماما ويحي طلع يشوفها مكانش مصدق حب طفولته قدامه أحلى عروسة.
أخدها ونزلوا وساعتها أستوعبت أني لسه ملبستش أصلا جريت بسرعة على ما يبدأوا تصوير لبست سوت هادية وميك آب خفيف.
نزلت لقيتهم لسه بيتصوروا أتصورنا كلنا وباقي المعازيم وصلوا وبدأ كتب الكتاب.
بارك الله لكما وبارك عليكما وجمع بينكما في خير
كررناها ورا الشيخ ٣ مرات أختي وصاحبتي أتجوزت حب عمرها أخيرا بعد كل الخطط والسهر والخناق والفراق خلاص مش هيفارقوا بعض تاني زغردتلهم وأنا أغلب البنات وهم بيحضنوا بعض لأول مرة.
الكل بدأ يبارك قربت منها وعنيا مدمعة حضنتني بفرحه وعنيها مدمعة
_أنت والوحيدة إلي عارفة كل حاجة وشاهدة على القصة من أولها.
مسحت دموعي
_أنا فرحانة لك بشكل !! ألف مبروك حبيبتي ربنا يرزقكوا السعادة طول العمر.
الحفلة بدأت والكل هاص فرحتهم مكانتش عادية قصتهم كانت صعبة أوي وفرحتهم كانت قد صعوبتها الليلة كانت حلوة أوي والمعازيم بدأوا يخفوا واحدة واحدة لحد ما تبقى أهل البيت إلي الفرحة مالية قلبهم كلنا مهيصين ومبسوطين بس فجأة الدنيا بدأت تمطر !!
بصيت لخالد