اسكريبت كامل بقلم الكاتبه المبدعه مريم سمير

جابك هنا دلوقتي 
بس اي الحلاوة دييي  
بصيت علي الطربيزة الي كان عليها تورتة _ ٢٧ ياه دا انا كبرت اوييي!
ولا يبان عليكي اتمني حاجة قبل ما تنفخي الشمع 
_ الواحد بيتمني أحلامه أنا مبقاش عندي احلام 
عمرك ما حلمتي بحاجة
_ تعرف كنت زمان بحلم كتير اوييي من وانا عيلة وانا نفسي اكبر عشان اساعد كل الناس لكن أنا معرفتش اساعد حتي نفسي! طلعت الاحلام اوهام مبتتحققش 
بس أنا حلمي اتحقق 
_ واي هو حلمك
أنتي كنتي حلمي دعوتي في الصلاة كنت بردو فاكر أنه وهم اني ازاي افكر مثلا أننا في يوم هنقعد علي طربيزة واحدة أو اننا نتكلم بالساعات أو اني اعدي عليكي في المستشفى أننا ننزل ننقي دبل كل دي كانت احلام واتحققت اتمني انتي كمان أنا متأكد انها هتتحقق إن شاء الله 
_ انت طيب اويي يا احمد ياريتني قابلتك قبل كده صدقني مكنتش هتعافر معايا كل دا في الفاضي أنا متأكدة اني كنت هكون ألطف من كد معاك 
وانا اشتكيت غمضي عنيكي واتمني 
غمضت عنيا اتمنيت قلبي يرجع زي مهو! بس أمتي الي اتكسر ينفع يتصلح حتي لو اتصلح علامة الكسر بتفضل موجودة مبوظة شكله مخلياه هش أي شويه هوا ممكن يجبوه الارض تاني .
_ بالمناسبة شكرا مفاجأة حلوة اوي محتفلتش بعيد ميلادي من زمان 
هنحتفل بيه كل سنه إن شاء الله 
_ بس لو جت السنة الجاية وكنا سوا ياريت متحطليش سني بعد كده عشان ملمش عليك الناس 
ضحك طبيعة الستات الي مش هيعرفوا يغيروها! كل سنه وانتي طيبه يمريم 
_ وانت طيب يا احمد 
كان يوم لطيف منكرش إني كنت فعلا محتجاه من ضغط الشغل الفترة الي فاتت من ضغط تفكيري الي بيمسكني قبل النوم من ضغطي علي نفسي في تفكيري في الماضي .
خرجنا بعدها قعدنا علي البحر بحس البحر شبهي! جواه اسرار كتير ومع ذلك هادي الناس تحب تتفرج عليه لكن متقربلوش .
انتي كويسه 
_ تفتكر استاهل الي حصلي أنا معرفتش اخلي الراجل الي كان في حياتي مبسوط معايا خليته يهرب مني ميكونش عاوز يجي اليوم الي هيربط اسمي جمب اسمه دايما يمكن عملت حاجة ومخدتش بالي منها عملت حاجة زعلته لدرجة أنه يعاقبني العقاپ د أو اني غلطانة اني فضلت معاه فعلا كل المدة دي مع أنه كان بيعاملني وحش كان بيحسسني اني مستاهلش 
مد أيده بمنديل انتي لي قاسېة اويي علي نفسك انتي لو فعلا غلطانة كنتي قولتي السبب مكنتيش حطيتي كل الاحتمالات دي عشان تقنعي نفسك انك الغلطانة مريم هو الي ميستاهلش واحدة زيك انتي لو كنتي اتجوزتيه كنتي هتعيشي طول عمرك تعيسة ربنا عمل كده عشان عارف أنه شړ ليكي مفيش حاجة بتيجي من عند ربنا وحشه ربنا حبيبنا والي يجي من عند حبيبنا حبيبنا 
هديت بعد ما سمعت كلامه مسحت دموعي الي اول مرة تنزل قدام حد لا قوية ولا نيلة! 
روحنا ووقف بالعربيه قدام العمارة 
عاوزك توعديني وعد قبل ما تطلعي 
_ وعد ايي
متسبيش نفسك لدماغك اهدي شويه ومتفكريش في أي حاجة كلي باقي التورتة ونامي ابوس دماغك 
ضحكت _ هحاول أنا مش عارفه اشكرك ازاي أنا ارتحت لما اتكلمت معاك 
وانا دايما هسمعك يمريم أنا موجود عشانك
_ انت لي بتعمل كد! أي يجبرك تفضل معايا مع واحدة قاسېة حتي علي نفسها!
هتبقي كويسه وهترجعي زي ما كنتي أنا عاوزك بس تقرري انك تحاولي معايا فيه