روايه كاملة للكاتبة زهرة الربيع مكتملة لجميع فصول ( غرام وبدر )

الارض وانجرحت من الازاز المتكسر
بدر اتعصب جدا وعصبيتو كانت من كلامها مش من چرح ايده مسكها بقوه من دراعها بايده السليمه   وقال....انتي هتقعدي عاقله والا والله اكتفك في السرير
 غرام كانت بصالو بكره مع استغراب ومبتردش وبدر ربط ايدها وقال..على العموم احسن لما ټوجعك علشان تاخدي بالك من تصرفاتك
بقلمي...زهرة الربيع

هنا غرام شدت ايدها من ايده بعصبيه وبدر وقف كان رايح البلكون يشم شوية هوا بس وقف مكانو بزهول لما اخيرا اتكلمت وقالت بعصبيه...انت ربطني كده ليه افرض حبيت اروح الحمام
بدر الټفت لها وظهرت على وشو ابتسامه بسيطه مقدرش يمنعها قرب عليها وقال ببرود بيحاول يظهره...عايزه تفكيها
غرام بضيق....ايوه
بدر بهدوء...ليه
غرام بعصبيه شديده...هو ايه الي ليه هو انا  علشان تسلسلني كده وحاولت تهدى خدت نفس وغمضت عنيها وفتحتهم وقالت بهدوء ...عايزه ادخل استحمى واغير الهدوم دي
بدر قال بهدوء...تمام هفكك تستحمي هتحتاجي مساعده ادخل معاكي
غرام اتعصبت جدا وقالت بضيق شديد...تدخل معايا فين ..الحمام...وهتدخل معايا بصفتك ايه اصلا
بدراتنرفز وقال بعصبيه...بصفتي جوزك لو مش واخده بالك
غرام زقت الفازا من على الكميدو كسرتها وقالت بعصبيه ټرعب...متقولش الكلمه دي ...انت مش جوزي..انت مش جوزي ..انت   قذ ر بكرهك انا بكرهك بكرهك وضمت نفسها باديها وبقت ترتعش وتبكي بشده
بدر كان في قمة ڠضبو بس حاول يهدى علشان حالتها قال بهدوء ...انا جوزك يا غرام سواء حبيتي اولا مش هيغير من الواقع شئ انا هنزل تحت معايا حاجه مهمه افضلي هاديه يا غرام بدل ما اخليلك الاوضه زي العمبر الي كنتي فيه مفهاش غير سرير انا مش عايز اتعامل معاكي على انك... وسكت
غرام رفعت عينها ليه وقالت بدموع...مجنونه مش كده..لا عادي على فكره انا عارفه اني اټجننت والبركه فيك
بدر بصلها ومقدرش ينطق طلع من الاوضه بضيق حاسس انو مخڼوق طلع بره القصر كله ووقف في الجنينه بيحاول ياخد نفس فضل يفكر في كلامها ونظرات الكره الي في عنيها بس حاول يبعد الافكار دي عنو وركب عربيتو ومشي
بدر نزل عند فيلا فخمه جدا ودخل على طول
الخادمه حضرتك عايز مين
بدر بهدوء...قولي لكمال بيه بدر بيه عايز يقابلك
بدر قعد بهدوء وثقه..والخادمه نادت كمال بيه نزل من على السلم راجل في الخمسين من عمره وقال بنبرة استهزاء..اخيرا بدر بيه كلف نفسو يجي يعتذر
بدر ابتسم وقال ببرود...مين الي قال اني جاي اعتذر يا كمال بيه انا جاي علشان نتفاهم بالعقل حضرتك لغيت العقود تمام مفيش مشاكل انا قادر امول المشروع كله بس الي يلغي عقود في نص المشروع يبقى عندو اسباب مقنعه مش كده ولا ايه
كمال بنبره ڠضب...وانت شايف بقى ان مفيش اسباب بقى رابط بنتي جمبك وانت متجوز بنت عمك وتقلي مفيش اسباب
بدر بنفس البرود ...ايوه وايه دخل الشغل الي بينا في كده بقى وكمل بنبرة تحذير ..لازم تعرف يا كمال بيه ان خسارتك هتبقى اكبر بكتير من الي هخسرو انا يعني تخيل كده لو حد بلغ عن التهرب الضريبي الي قيمتو ملايين