روايه بدلت حياتي بقلم الكاتبه علا عبد الوهاب

حاسة باللى بيا ومش قادرة تعرفى اد ايه انا موجوع ونفسى امۏتك فى ايدى
فى ايه ! ٠٠ ايه اللى حصل لده كله 
انتى مش قلتى انك هتجيبى صاحبتك اللى هى قلبك دى يوم عيد ميلادى
ايوة حصل
انا مشوفتكيش مع صاحبتك انا شفتك بس مع الزفت اللى اسمه إياد
تنهدت سما
هى كانت مع خطيبها وقولتلك إن إياد ابن عمها
ابن عمها هى مش ابن عمك انتى تقفى معاه ليه !
نهال تبقى بنت مرات بابا اللى ربتنى يعنى نعتبر اخوات
انا مليش فى الكلام ده انا ليا انى مشوفكيش مع راجل تانى بتعفرت يا سما ايه مش فاهمة !!
بس انا معملتش حاجة غلط

اجابها بنبرة محذرة
وانا هستنى لما تعملى الغلط ولا أيه !!
انا مش فاهمة انت بتزعقلى كده ليه وبتزعقلى ع اى اساس انت مش هتتغير يا آدم
انا كل اللى بطلبه منك انى مشوفكيش مع راجل تانى ٠٠ صعب يا سما 
مش صعب بس بالعقل
يا سما انا بحبك
أحمر وجه سما
انا كنت ابتدبت اميل ليك بس غيرتك دى خوفتنى منك
شعر آدم بشعور غريب لم يمر عليه من قبل فقد نسى كل شئ تقريبا عدا اخر جملة اصدرتها سما فتحدث بنبرة هادئة
ايه يا سما قلتى ايه 
نظرت سما لأسفل
مش هقول تانى
حراام عليكى انا ما صدقت اسمع اى كلمة منك
بقولك ايه رفعت بيه طالب منى شغل كتير ويلا ع مكتبك وسبنى لشغلى
فأبتسم آدم 
بحبك يا سما
يووووه بقى ع مكتبك
فأبتسم لها ودخل مكتبه وكان يشعر بسعادة كبيرة لا يعرف سببها ابسبب ذلك الرهان التافه انه اوشك على الفوز به ام لسبب اخر فى قلبه وقد نسى تماما امر إياد ٠٠
بينما كانت نهال تركب سيارتها وكانت تبكى بشدة لأن إياد يعاملها بتلك الطريقة القاسېة أمام الموظفيين ثم وصلت إلى المخزن الذى يعمل به النجاريين ووجدتهم قد انتهوا من اعمال كثيرة فأبتسمت وهى تنظر إلى عملهم ثم حدثتهم قائلة
انا حقيقى مش عارفة اشكركم ازاى
فأجاب احد النجاريين
طول عمر عامر ببه بيعاملنا بما يرضى الله ودلوقتى جاه الوقت اللى نرد ليه شوية من جمايله
فأبتسمت نهال
لا بجد انتوا اللى عملتوا فينا جميل عمرنا ما هننساه انا بس جاية افكركوا ان كلها اخر الأسبوع ونسلم البضاعة لل العزبى بيه
إن شاء الله هنكون جاهزين وقت التسليم متقلقيش يا نهال هانم
فأبتسمت نهال 
إن شاء الله هعدى عليكوا بكرة 
وتركتهم نهال وركبت سيارتها وعادت إلى الشركة وأتجهت نحو مكتب إياد وطرقت باب غرفة مكتبه وسمعت صوته من الداخل يقول
ادخل
فدخلت نهال فنظر لها إياد پغضب قائلا
يا ترى روحتى ولا لسه مشغولة
فرمقته نهال بحدة
روحت وجيت يا مستر إياد والحمد لله النجاريين خلصوا جزء كبير من الشغل وإن شاء الله ع اخر الأسبوع هنكون جاهزيين بإذن الله
فنظر لها بشدة
طب ع مكتبك
رمقته وهى تشعر بالغيظ ثم خرجت من مكتبه وتوجهت نحو مكتبها وما أن وصلت حتى ظلت تبكى بشدة وهى تحدث نفسها
انا خلاص مبقتش فاهماك خااااالص انا بجد زعلانة منك اووووووى 
وقاطع بكائها حين سمعت صوت هاتفها وحين رأت أسم من يهاتفها أبتسمت و أجابت على الهاتف بسعادة
سمر حبيبتى وحشتينى اووووووى
انتى وحشتينى اكتر يا بكاشة ياللى مش بتسألى ان مكنتش اسئل انا
سامحينى يا سمر انتى عااارفة انى مشغولة فى الشغل غير حصلت ظروف فى الشغل وخلت الشغل يتكربس فوق دماغى
خلاص يا ستى عفوت عنك
فأبتسمت نهال فتابعت سمر
بس انا عاملة ليكى مفاجاءة
خييييير
إن شاء الله هنزل مصر

كمان شهر
ايه بجد يا سمر !
بجد يا حبيبتى
فأبتسمت سمر
إن شاء الله متقاطعيش بس
ماشى يا ستى انا هستناكى ترجعى ده انتى وحشانى جداا
وانتى كمان
بعد ساعتين ٠٠
دخل إياد مكتب نهال ونظر لها ثم قال 
بتعملى ايه 
فنظرت له نهاال نظرة طويلة ثم قالت
بص انا مش عاوزة اشوف وشك اصلا متكلمش معايا انا مش عملت اللى انت عاوزه ولا فى طلبات تانية يا سيادة المدير
فأبتلع ريقه
انا كنت متعصب الأغبياء المصممين مكنوش صمموا باقى التصاميم والوقت ضيق ونفسى اخر الأسبوع يجى وبابا يخرج من السچن معدتش قادر اتحمل يا نهال أكتر من كده حطى نفسك مكانى
فرمقته بشدة
مش ذنبى ٠٠ وعموما احنا مفيش بينا اى علاقة غير الشغل انت خربت اى علاقة بينا سواء ودية او عملية
نهال بلاش شغل العيال ده
انا مش عيلة يا ٠٠ يا مستر إياد 
ايه موضوع مستر إياد ده كمان
إياد سبنى فى حالى ارجوك انا مش فايقة اتكلم
براحتك يا نهال انتى اصلا مش عارفة عاوزنى اعاملك أزاى فإذا كان انتى مش عارفة !! انا هعرف منين ٠٠ عن أذنك
ثم تركها وخرج من مكتبها فنفخت نهال ومسكت رأسها ثم امسكت معدتها وشعرت بالغيثان وذهبت للحمام ٠٠
كانت سما تستعد للرحيل فخرج آدم من مكتبه وهو يبتسم
يلا عشان اوصلك
فرفعت سما حاجبها
آدم يظهر انك فهمت كلامى غلط
يعنى ايه 
انا اه قلت انى ابتديت اميل ليك بس لازم تفهم انا غير اى بنت عرفتها
وانا قولتلك انك شبه حد
إنك تفتكر انى هقضيها معاك مكالمات وهزار وضحك وتوصلنى