روايه جديده وكاملة للكاتبة جهاد عبد العال

أحلامي زي ما بيقولوا بتعدي كل يوم من قدام بيتنا وأنت رايح تصلي في المسجد أول ما عرفت إن فرض عليا أغض بصري منتظرتش دقيقة أفكر خۏفت ربنا يعاقبي وميستجيب دعواتي وتكون لغيري بطلت أنتظرك ولا حتى أفكر فيك بص مش أوي لأنك كنت ومازلت أحلى ولاد شارعنا ومين تسمع عن الدكتور مراد ومتحبوش.
حط أيده على قلبه في حركة درامية وهي بتضحك على نظراته اللي كلها فرحة أتكلم بنبرة صوت حاول يخليها هادية بس حماسه وفرحته بكلامها مقدرش يخفيه.
دا أنا شاغل قلب ست الحسن من زمان 
_متتغرش بقى ما أنا شغلت عقلك وقلبك. 
طيب طيب قوليلي بما إنك واقعه من زمان ليه خدتي المدة دي كلها علشان توافقي 
_كنت خاېفة. 
من أي 
_منك من فكرة الزواج من الأختيار الغلط. 
طيب ووافقتي ليه 
_فاكر يوم ماوصلك ردي مع أخويا 
ودا يوم يتنسي دا أنا حضنت وبوست أخوك لدرجة أنه خاف مني.
ضحكت بصوت عالى على الذكرة دي لأن أخوها رجع البيت وقلها على اللي حصل وهو بيمسح خدوده بشمئزاز قام قعد قصادها على الكنبة وربع رجليه وبصلها بشغف وهو بيهز رأسه بمعني وبعدين.
_كنا يوم الجمعة وبالصدفة شفتك وأنت راجع من المسجد كنت لابسه جلبيه بيضاء كأني أول مرة عيني تقع عليك حسيت قلبي پيتحرق من الغيرة وأن أزاي تخرج بالحلاوة دي وقتها وافقت علشان متلبسهاش تاني أبدا.
نظرة الشغف تحولت لصدمة وبعدين ضحك وهو مش مصدق أنها وافقت لأجل السبب دا فضل يفتكر بعد جوازهم فعلا مكانتش بتخليه ينزل بيها ولما يسألها عن السبب تقوله شكلك وحش ضحك تاني وهو بيبوس كف أيدها وهي مستغربة ضحكه الكتير رغم أن الأمور دي بالنسبة للستات مهمة بس بالنسبة للرجال بتهون عليهم كتير أمور لطيفة بتعملها من غير متفكر بسبب حبها أتكلمت بغيظ لما لقيته دمع من كتر الضحك.
_مش فاهمة بتضحك على أي 
عليك وعلى كلامك. 
_أيوة قلت أي يضحك يا أستاذ أنت. 
بقى أنا دماغي مشغولة ياترى هتوافق ولا لا طب لو رفضت أتقدم تاني ولا أعمل أي طب أهدي أمي أزاي اللي مضايقة من التأخير في الرد ولا أبعد سارة عني أزاي اللي كل يوم تنطلي والهانم في الأخر توافق علشان جلبيه 
_والله أنا تفكيري كدا عاجبك ولا مش عاجبك 
أنت وتفكيرك وعيونك وكلك عاجبني ياست الحسن. 
_طب ما تحضني وتبقى عملت الواجب بزيادة
ضحك وهو بيضمها لقلبه أزاي شخص يلاقي نفسه مبسوط لمجرد نظرة عين أو أبتسامة أو حضڼ الحب قادر ينعش كل الزهور اللي دبلت في صحراء قلبك لما ترجع من شغل يوم متعب تلاقي عيون كلها قلق وحنان قصادك طبيعي يهون كل تعب الزوجة هي مصدر الأمان لزوجها حتى لو مش مدركة دا أو فاكرة العكس. 
رفعت عيونها من حضنه وبصت في عيونه واتكلمت بتحذير.
_المكان اللي تكون
فيه سارة دي طيفك ملمحوش هناك فاهم 
فاهم ياباشا طبعا. 
_شطور ياحبيبي. 
ياعيون حبيبك والله.
الرجال كالأطفال والزوجات أمهات لهم قال لتسكنوا إليها السكن والسکينة في عناق من تحب.