روايه جديده وكاملة للكاتبة جهاد عبد العال

_يعني هنتعشى ولا مش هنتعشى في الليلة دي 
_الجبنة عندك في التلاجة ياعسل سخن عيش وكل. 
يرضيك يعني قرة عينك يتعشى جبنة
أبتسمت باستفزار وهي بتقلب صفحات الرواية اللي فأيدها من غير ما تبص عليه.
_أه يرضيني. 
طب ليه الغدر دا دا أنا قلت مش ههون عليها. 
_الغدر أتعلمته منك ياروحي. 
على فكرة بقى الموضوع ميستاهلش كل الليلة دي. 
_إمممم أنك تقف مع العقربة بنت عمتك وتقلك طبيخ مراتك وحش فأنت ياقلب أمك تضحك أصلها زغزغتك صح خليها هي تعشيك بقى. 
طب والله أنا ما كنت مركز هي بتقول أي أصلا. 

_أومال ضحكت على أي 
في المواقف دي بيقلك لسه هتسأل كانت بتقول أي أضحك وعدي الحوار. 
_والله 
يعني بذمتك أنا اللي بدوب في صنية المكرونة ولا بغرق في البسلة وبيبقى هاين عليا أحضن المحشي هسمع حد يقولي أكل مراتك وحش وأسكت 
_أنت بتقف معاها ليه أصلا مش عارف أنها عقربة ومبتحبنيش 
وقفتني تسلم عليا وأنا داخل لماما طب والله ما كنت أعرف أنها جوه لو أعرف كنت رجعت. 
_طب سؤال بس.! 
سؤال واحد دا أنا كلي ملكك ياست الحسن.
حاولت تمنع أبتسامتها بس مقدرتش أبتسم بهيام على أبتسامته وبصلها بتركيز علشان يشوف سؤالها.
_كان ممكن تتجوز بنت عمتك دي 
أكدب عليك لو قلتلك لا. 
_نعم ياخويا 
أهدي بس هشرحلك. 
_سامعة. 
قبل ما أقع في عيونك مكنتش بفكر بشكل جدي في الجواز وحماتك العزيزة هي اللي بترشحلي فاكر يومها رشحتلي سارة وأول رد خرج مني مش موافق بدون تفكير معرفش بس محسيتش أنها ممكن تكون حاجة زيادة عن بنت عمتي مستحيل أتخيلها مراتي فاهمة 
_فاهمة.
ضغط على أيدها بحنان وهو بيبصلها بحب ضحكت بفرحة وكأن هم وأنزاح عن قلبها الست تقدر تفهم الست اللي زيها وجهاد فاهمة سارة ونظراتها وقربها من مراد عايزاه وبتحبه أو يمكن مستخسراه في جهاد علشان كدا جهاد پتكرها وپتكره سيرتها أتكلم مراد بعد ما شافها هديت.
طيب ست الحسن تسمحلي أسألها سؤال 
_أه عندي وقت أسال. 
ياتواضعك. 
_أنت قرة عيني برضو. 
لا كتر خيرك والله. 
_يلا هتنسى السؤال. 
فاكرة ذاكرتي سمك زيك. 
_مراد..! 
خلاص ياستي متبرقيش كدا المهم أنا فاكر أني أتقدمت لست الحسن وخدت شهر كامل علشان توافق عليا تعرفي أن أمي قالتلي سيبك منها. 
_حماتي بتحبني طول عمرها.
ضحك وهو بيفرد رجلها وبينام عليها حط أيدها في شعره وهي منتظرة يكمل باقي سؤاله رفع نظره ليها وأتكلم.
مش هسألك ليه كل المدة دي رغم أن الأنتظار هلكني لكن من حق ست الحسن تدلع وتاخد الوقت اللي يعجبها عايز بس أعرف أمتى قررتي ترضي عني وتوافقي 
_دي حكاية طويلة. 
وأنا مشتاق اسمعها تعرفي أن من أول يوم جالي الموافقة وأنا كنت عايز أطير علشان أعرف السبب. 
_بس أحنا لينا سنة متجوزين صبرت كل دا 
كنت منتظر الوقت المناسب ها أحكي.
أبتسمت بهيام وكسوف وهو بيبصلها بعيون بتلمع بدأت تتكلم هي مبسوطة.
_كنت حلم حلو أوي ليا مراد فارس