روايه كاملة للكاتبة اسماء احمد

ممتعه معك.
_لو روحنا مش هتبقي معايا بس هديك الدعوة بتاعتي تدخل بيها القاعة.
_حسنا.
_بس أفتكر إني قولتلك بلاش.
_كفي عزيزتي أنا متأكد سأستمتع كثيرا.
راح الفرح كان لابس بدلة سوده وشكله لطيف كنت براقبه من بعيد وشايفه علامات الإنزعاج على وشه بسبب الصوت العالي بتاع المهرجانات شويه وخرج بسرعه فقلقت عليه وخرجت وراه.
_براء أستنى.
قال بضيق
_كيف كنت تستمعين لذلك الضجيج والكلمات البذيئه هذه!
ضحكت.
_دا العادي بتاع أي فرح مصري يعني.
_لكنه مزعج للغايه.
رديت ببساطه
_اتعودنا.
_حسنا أذهبي لتكملى حفل الزفاف أنا سأذهب.
_هتذهب فين!
_لا أعلم من الممكن أن أسير في الشارع لكي أهدأ ثم سأذهب إلى البيت.
_طب يلا.
_إلي أين ذاهبه.
_هنتمشى سوا مش هسيبك.
الجو كان هادي وفيه نسمة هوا برغم إننا ففصل الصيف إلا أن الجو في اليوم دا كان حلو مناسب للتمشيه والغنى والتنطيط مناسب لضحكه لطيفه وشوية ترمس وشويبس أناناس ميكس غريب بس بحبه.
_أستنى هجيب ترمس من البنت دي وبعدين نجيب شويبس أناناس.
_ماشي.
_أول مره تقول ماشي.
_لأجلك فقط لأنك لا تحبين كلمة حسنا
جبت الترمس والشويبس وقعدنا على الرصيف.
_عارف أنا عايزه إيه دلوقتي!
_عايزه اصور ظلي وظلك علشان تبقي صوره لذكري اليوم دا.
_هيا بنا.
مش عارفه إيه خلاني أقول كدا أو أعمل كدا بس هو أحساس حسيته إني عايزه اعمل ذكري معاه أنا اللى في قلبي في عيوني علشان كدا ببصله كإنه حاجه كبيره مع أنه مسلوع أصلا.
_عزيزتي أنت لطيفه للغايه.
_بس يا براء وحياه ابوك بلا عزيزه بلا بريزه.
_أتضايقك كلمة عزيزتي!
_ايوه بحس إن إحنا في فيلم كرتون.
_يمكنني تغييرها لحبيبتي.
_هاها.
_لماذا تسخرين مني! لا أمزح.
_ وأنت أي واحده عزيزتك ممكن تبقي حبيبتك!
_بطبع لأ.
_أنت فقط من أناديها بعزيزتي لكن بداخلي قلبي يناديها حبيبتي.
قومت وسبته وأنا تايهه وحزينه وفرحانه وألف حاجه جوايا هو إجازته طولت ليه المفروض كان قايلي شهرين ويمشي بس الشهرين بقيو ست شهور وأنا في الست شهور وقعت على بوزي فيه مكنش المفروض دا يحصل في يوم وليله اكتشفت إني حبيته دي كانت أخر مره أكلمه فيها أو ارد على رسالة منه قفلت النت تلت أيام ولما فتحت لقيت رسايل كتير منهم.
_أميره أنا أحبك بصدق.
_لماذا فررتي من أماميوهاربه إلى الآن مني!
_هل أنا سئ لهذا الحد! أو إن حبي مكروه!
_اللعنه! لماذا لا تفتحين هاتفك هذا وتجبيني على تساؤلاتي هذه!
ورسايل كتير غير دول.
_هو أنا لو قولتلك بحبك هتعمل إيه
_سأخبر والداي حتي يأتيان معي ل أتقدم لخطبتك يا حمقاء كما قال لي أحمد.
_Ta chérie est une belle fille
ميلت عليه وانا بسأله بصوت واطي
_هي مامتك بتقول إيه لأن أنا معرفش حاجه في الفرنساوي أزيد من بونچور.
_تقول إنك فتاة جميلة مزه يعني.
_بطل قلة ادب مش قولتلك متقولش الكلمه دي!
_اقولها للفتاة التي تزوجتها اليوم وليس لشقط فتاه من الشارع ومعاكستها.
_يخربيت كدا دا أنت بوظت خالص في الشهرين دول.
بعد مرور
خمس سنين.
_يا أميرة.
_مالك فيه إيه بتزعق كدا ليه!!
_تعالى خدي إبنك مش عارف اشتغل منه يا وليه.
_أنا وليه!! أنت تغيرت أوي يا براء دا أنت كنت متقوليش غير عزيزتي وحبيبتي فين الكلام دا دلوقتي بقي بعد خمس سنين جواز تقولي يا وليه! اومال لو مش فرنساوي!! 
_وهو اللى يقعد معاكو يبقي فرنساوي!
_ماشي.
_أهو هنبدأ في النكد.
_أنا نكديه!!
_لا يحبيبى ابدا حقك عليا دا أنت أحلى ما في الكون كله أنا اصلا تاريخ ميلادي هو أول يوم شوفت عينيك فيه يعني أنا بقيت مصري خلاص.
_يولا.
_أيوه طبعا.
_ربنا يحفظك ليا هدخل أكمل ألاكل.
بعد خمس دقايق.
_تعالى خدي إبنك مش عارف اشتغل منه يا وليه