روايه كاملة مكتملة لجميع فصول الرواية بقلم آيه طارق

عليها طالما جوزك لاعب مشهور.
دغدغت كلمة جوزك مشاعرها و تسارعت إثرها نبضات قلبها.
ليبتسم آدم بانتصار و كأنه يدرك ما يدور بداخلها في هذه اللحظة و تابع
و اعملي حسابك بعد الماتش إن شاء الله هاجي أنا و أهلي و نطلب أيدك.
ليحلق قلبها عاليا.. فرحا على الرغم من رفض عقلها!
الفصل السادس
رمق جاسم أبنه بابتسامة ماكرة مدركا أنه يراوغ من أجل قول شئ محدد و هو بانتظار معرفة ما يريده أبنه بصبر!
ما تيجي ندخل نشرب حاجة يا بابا
هتف آدم بهذه الكلمات و هو يشير إلى أحد الكافيهات القريبة منهما.
فالټفت إليه والده و سأله أنت ميعادك في المعسكر امتى
فأجابه آدم بعد أن نظر في ساعته لسه قدامي وقت.
لتصدر ضحكة صغيرة من جاسم قبل أن يقول يبقى ندخل نشرب حاجة.
و بالفعل دخلا الرجلين إلى الكافيه و اختار آدم طاولة في زاوية هادئة بعيدة عن الضجة ليجلسا عليها ثم طلب له و لوالده كوبين عصير.
ليهتف جاسم بابتسامة مش كفاية لف و دوران بقى.
ازداد توتر آدم فنسى الكلمات التي كان يحضرها منذ أمس ليخبر والده بها.
فقال والده بمرح ليستحثه على الحديث أيه يا كابتن احنا من امتى بيننا توتر و أسرار هو احنا مش أصحاب و لا أيه
نجحت كلمات والده في إزالة القليل من توتره و مع ذلك هتف بمراوغة
فاكر صاحبي اللي كلمتك عنه قبل كده و قولتلك إنه عايز يتجوز من بنت....
لم يستطع متابعة كلماته بل لم يستطع نطق أن أماني وجه نحس أو نذير شؤم كما يلقبوها الآخرين لسانه لم يطاوعه.
تظاهر والده بالتفكير لثواني قبل أن يقول بإدراك تقصد البنت اللي بينادوها وش نحس دي
أزعجته الكلمة فأومأ بعبوس دون رد.
ليسأله والده بفضول ليعرف كل شئ عن هذه الفتاة فلقد تأكد أن الأمر لا يتعلق بصديق ولده!
إلا قولي هما بيقولوا عليها كده ليه
ليبتلع آدم ريقه بتوتر و يقرر إخبار والده بكل شئ فبالتأكيد هو سيسأل عن أماني و يعرف التفاصيل لذا من الأفضل أن يخبره هو..
دقات قلبه العڼيفة أنسته أنه يتحدث عن صديقه و أن عليه اختيار كلمات مناسبة فهتف باستفاضة
بص بقى يا بابا الموضوع و ما فيه إنه...
و قص عليه كل ما أخبرته به روضة من قبل ليظهر التأثر على وجه والده مع كل كلمة يقولها مما جعل الراحة تتسلل إليه فوالده سيقف بجانبه و يحقق له ما يريده بكل تأكيد!
و من ساعتها و هي مرتبطتش بحد أو بالمعنى الأصح محدش قرب منها.
أنهى كلماته بهذه الجملة.
ليهاجمه والده بعدم رضى و أنت بقى البطل اللي هتنقذها من معانتها!
أطرق آدم برأسه مدركا أنه قد تفوه بما لا يجب قوله في هذه اللحظة.
ليتابع والده بلوم و ليه اللف و الدوران ده من الأول
ليه مقولتش إنك أنت اللي عايزها
ليجيبه آدم بحرج دون أن ينظر إليه لأني عارف إنك أنت و ماما مش هتوافقوا بسهولة فحبيت أجس نبضكم الأول أرى رد فعلكما و بعدين أقرر هعمل أيه.
فيواجهه جاسم ليرى ما ينوي ولده فعله و أنت شوفت بنفسك أمك عملت أيه لما عرفت عن الموضوع و المفروض إنك بتتكلم عن صاحبك كمان مش أنت!
بتلف و تدور تاني ليه بقى
ليرفع آدم نظراته إلى والده رامقا إياه برجاء و يقول باستعطاف بس أنت رأيك مكنش زيها و ممكن يعني لو وقفت جنبي نعرف نقنعها و توافق.
ليركز والده على عينيه ليستشف مشاعره من خلالها و هو يسأله و أنت بتحبها للدرجة دي يعني
ليبتسم آدم باتساع و تلمع عيناه بعشق ذهل جاسم من شعور ولده به ليجيبه بما يشعر به نحو أماني
بصراحة أنا في الأول مكنتش عارف يعني مجرد شوفتها صدفة و عجبتني لكن بعد كده لاء حسيت إنه فيه حاجة شداني ليها و بتسحبني ناحيتها كل مرة أكتر من التانية لغاية لما عرفت قصتها و....
ليقاطعه والده قائلا بإدراك شفقت عليها فقلبك أقنعك أنك بتحبها.
ليهز آدم رأسه باعتراض و يسارع بالقول لا أبدا بالعكس أنا متأكد إني بحبها.
ليسأله والده محاصرا إياه و اتأكدت ازاي
صمت آدم غير قادر على الرد هو يحبها.. و متأكد من مشاعره نحوها و لكنه لا يستطيع وصف هذه المشاعر أو لا يجد الكلمات المناسبة ليقولها.
أنا مش عارف أقولهالك ازاي بس أنا.. أنا.
ليصمت بقلة حيلة.
فيقول والده حاسما الموضوع أنا عايز أقابل البنت دي.
تفاجأ آدم من طلب والده فلقد توقع أن يسأل والده عنها أولا و بعدها يقنع والدته لتفكر في الموضوع حتى و لكن أبدا لم يأتي إلى باله أن أول ما يطلبه والده هو مقابلة أماني!
تقابلها!
ليه طيب
فأجابه والده ساخرا هو أيه اللي ليه يا كابتن
هو فيه اعتراض على مقابلتي ليها و لا أيه
فهز آدم رأسه مرة أخرى نافيا و قال لا أبدا بس اتفاجئت.
المفروض تكون متوقع حاجة زي كده يا كابتن.
قال جملته ثم انتظر قليلا متأملا ملامح ولده قبل أن يقول