روايه كاملة مكتملة لجميع فصول الرواية بقلم آيه طارق

حالفه الحظ يستطيع تحديد موعد للعرس بدلا من عقد القران فقط!
راقباه والديه و هو شارد حتى أن صحن طعامه لم يمسه!
فراودهما القلق على حال أبنهما الذي تغير كثيرا في الفترة الأخيرة ليقرر والده أنه حان وقت التدخل و معرفة المشكلة التي تواجه أبنه!
مالك يا آدم
أنت بقالك كم يوم مش على بعضك أيه اللي شاغل بالك
لم يستغرق آدم وقتا كثيرا في التفكير فهو لم يعتاد أن يفعل شيئا إلا بعد استشارة والديه لكنه هذه المرة راوغهم قليلا حتى يعرف رأيهم أولا!
فيه واحد صاحبي قرر يتجوز.
تمنت والدة آدم أن تكون هذه البداية و يتحرك أبنها مثل صديقه و يتزوج.
عقبالك لما تقرر أنت كمان.
فابتسم آدم بمرح و قال مخفيا قلقه من رد فعلهما أها لو عرفتي هو هيتجوز مين مكنتيش قولتي الكلمة دي.
لتظهر الحيرة على وجه والدته قبل أن تطلق شهقة عالية و ما يأتي في عقلها غير مقبول!
لا يكون ناوي يتجوز واحدة من إياهم اللي متعرفش لبسها بيبدأ فين و ينتهي منين.
تعالت ضحكات آدم و والده إثر كلماتها و جاسم يعلق بمشاكسة ليه هما بيلبسوه ازاي
فتقول والدة آدم و هي تضع في صحنه المزيد من الطعام أنا عارفة هو لبسهم بيبقى غريب كده و مش معروف أوله من أخره.
لينفي آدم بضحكة لا يا ماما مش كده.
فيظهر الفضول على وجه والدته و هي تسأله أومال أيه
حاول آدم اختيار كلمات مناسبة لا تكون ضد أماني و لكن عقله كان متوقفا لا قدرة له على التفكير و قلبه ينبض پعنف فقال دون تفكير
لما راح سأل عنها الكل قاله لا و انفد بجلدك اهرب و بلاش منها.
لينعقدا حاجبي والدته بارتياب و تسأله لا يكون مشيها بطال
بينما جاسم كان يراقب ملامح آدم جيدا و قلبه يخبره أن الموضوع لا يقتصر على صديق ولده فقط خاصة و آدم يتهرب بعينيه من النظر إليه هو و زوجته و يفرقع أصابعه بتوتر!
لا يا ماما بس هما قالوله إنها وش نحس و أذت ناس كتير قبل كده.
شهقة أخرى صدرت من والدته تزامنت مع ضربها لصدرها پصدمة قبل أن تقول و هو عليه بأيه ده يابني
مايشوفله واحدة تانية تكون كويسة.
عبوس وجه آدم و انزعاجه أكدا لوالده أن ما يشعر به صحيح..
و ما زاد من تأكيده هو دفاعه عن الفتاة باستماته.
أيه اللي بتقوليه ده بس يا ماما
هو فيه حاجة زي كده أصلا دي كلها تخاريف.
لتنفي والدته حديثه باقتناع تخاريف أيه بس يابني أنت أيش عرفك بالحاجات دي!
اسمع مني و خلي صاحبك ينسى الموضوع ده و يشوفله بنت تانية تكون كويسة.
ازداد عبوس آدم و تجهم وجهه فالټفت إلى والده.. أخر أمله داعيا بداخله أن يكون له رأي مخالف.
و أنت أيه رأيك يا بابا.
تنهد والده بتفكير و نظراته تتوغل إلى أعماق أبنه فتكشف الأمل الساكن في عينيه!
ليقول مبدلا عبوس أبنه إلى ابتسامة سعيدة قل لن يصيبنا إلا ما كتب الله لنا..
أنا من رأيي لو البنت أخلاقها كويسة يبقى خلاص أي حاجة بعد كده قضاء و قدر.
ليعقب آدم برضى على كلمات والده و أنا قولتله كده برضه يا بابا.
ليصل تأكيد جاسم إلى نسبة مائة في المائة فخلف الموضوع إن و لكن متى سيصارحهما أبنهما بالحقيقة
لوت والدة آدم شفتيها بعدم رضى و قالت علشان غبي دلوقتي لو صاحبك حصله حاجة هتشيل أنت ذنبه.
ليعود آدم إلى عبوسه بينما والده يقول بنبرة ذات مغزى
مالناش دعوة احنا بقى يا أم آدم الرجل طلب نصيحة أبنك و هو متأخرش يتجوز البت بقى و لا ميتجوزهاش فدي حياته و هو حر فيها.
لتلتقط والدة آدم الصحون و تنهض و هي تقول على رأيك و احنا مالنا كل واحد ينام على الجنب اللي يريحه يفعل ما يريد.
فيتنهد آدم بضيق و ما يحلم به تزداد صعوبة تحقيقه من الجانبين جانب والديه و جانب أماني!
أنا مش عارفة بس أنت جراني وراك على فين
هتفت أماني بارتياب و تصرفات صديقتها الغريبة تثير حيرتها..
فلقد فاجئتها في الصباح عندما جائتها طالبة منها أن يذهبا سويا لشراء بعض الأغراض التي تخص زواجها لأن فارس ليس متفرغا مع أنه يوم جمعة!
و الغريب أنها طوال الطريق تتبادل عدة مكالمات قصيرة بكلمات مبهمة مع فارس!
و الآن تأخذها إلى أحد المطاعم الفخمة التي لا يحلما بدخولها بعذر أن فارس ينتظرها هناك مع صديقه!
و بعدين هو فارس أيه اللي هيجيبه هنا دي قاعدة واحدة هنا بمرتب شهرعنده!
فتقول روضة بكذب دون أن تنظر إليها ياستي أنا زيي زيك معرفش حاجة هو كلمني دلوقتي و قالي أجي على هنا علشان مستنيني مع صاحبه و بعدين هو من ساعة ما ميعاد كتب كتابنا اتحدد و هو قالب الدنيا علشان يلاقي شقة.
و أنا مالي تجيبيني معاك ليه
قالت أماني بتذمر.
لترد روضة و هي تسحبها إلى داخل المطعم مانا هتكسف اقعد لوحدي.
لتعبس