قصه حقيقيه حصلت بالفعل

سلفى توفاه الله من شهر وهو معاه ولدين تؤام عندهم اربع سنين. هو كان ارزقى ومراته اصلا من محافظه تانيه ارياف وهى يتيمه لا اب ولا ام وعندها اخ محلتوش غير أجرته من قهوه واختها معيشتها على قدها.

 وهى عايشه معانا بنفس البيت والبنت غلبانه خالص وكانت عايشه على قد سلفى الله يرحمه وهو ماټ فى حاډث ودلوقتى مش عندها اى مصدر رزق وأهل زوجى قرروا ياخدو منها الولاد عشان يصرفوا عليهم. يعنى حماتى قالت تعيش معايا وتخدمنى وانا هربيهم معاها والبنت مش راضيه وعاوزه تعيش مع نفسها فى شقتها والصراحه حقها وانا دلوقتى بقول لزوجى يعطيها مبلغ كل شهر وملابس الاولاد علينا صيفى وشتوى وخزين البيت لانها فى صډمه ومحتاجه وهو بيقولى لا هى رفضت تعيش مع امى وانا مش هساعدها والصراحه حماتى ست اعوذب بالله قادره وقويه وهتتعبها وانا بتحايل عليه لأنه الكبير وهو واخد الموضوع عند فانا عندى اخواتى مقتدرين وكلمتهم يساعدوها هى وولادها وهما وافقوا وبالفعل عطونى فلوس ومبالغ محترمه وان شاء الله هيكون كل شهر عندها نفس المبلغ لان هما بيطلعوا بره وهى أولى، المشكله ان اخويا قالى استأذن زوجى عشان ميزعلش منى وتحصل مشكله وانا عارفه ان زوجى مش هيوافق والبنت صعبانه عليه والله تصعب على الكافر وحالتها صعبه وولادها أطفال وانا على قد ما اقدر بساعد ومش عارفه اقول لزوجى ولا اعمل ايه وانا عارفه لو زوجى عرف هيرفض ونويت مقلوش خالص واساعد سلفتى والله المستعان. هل ده صح ولا غلط