حكايه أنا عندي بنتين تؤام

انا عندى بنتين تؤام وأخو جوزى ومراته عملو حاډثه وتوفاهم الله وكان عندهم طفل ثلاث سنين أكبر من بناتى بسنه محدش يرضى ياخده من اهله عشان مسؤليه غير جوزي الله يبارك فيه وانا ربيته ودخلته احسن مدارس زى بناتى بالظبط و دلوقتى وصل لثالثه اعدادي و بيطلع الأول على مدرسته
المشكله ان أهلى بيقولو كفايه كدا هوه كبر مينفعش يقعد مع بناتك خصوصا انا وجوزي موظفين ودايما بره البيت المهم الولد سمع الكلام دا وانا بتكلم مع اخويا وامى لأنهم دايما بيزنوا على الموضوع دا
مكنتش عرفه انو سمع بقا اول ما يصحى من النوم ينزل الشارع لحد ما اروح البيت انا افتكرته مش عايز يزاكر و بيلعب كوره مع أصحابه لما شديت معاه جامد الولد اتفتح فى العياط وقالى انا مش عايز اروح عند أهل امى حضرتك ليه مخلتنيش اعيش وسطهم من الاول عودتينى على النظام والاهتمام و دلوقتى خاېفه منى على بناتك إلى اصلا هما اخواتى عايزه تظلمينى انا اخدتو فى حضنى ومش عارفه اتصرف ازاى